現實。

那天吃完爆谷牙痛後，決定去看牙醫檢查一下，順便洗牙。

我形容那時的心態是重拾一個健康的習慣，一年洗一次牙。
我不是很怕痛的人，但我其實覺得看牙醫已經是一個努力面對自己真實的行動。

只是估不到醫生真的會說「你棚牙都幾大問題」。我外表睇唔出喎。
我都知，不特登去檢查，又唔痛，豬牛雞都係咁照食。
一面對，其實都唔係好想接受。

三隻爛牙，兩隻要道牙根，一隻智慧齒要剝。牙肉嚴重發炎，要食消炎藥。
我一聽都以為呢棚牙唔係自己，係一個煙鏟既。
所以我明有好些人唔願睇，就係因為俾幾千蚊要接受呢種宣告。

我以為是一年一次的習慣，結果是一個好長的療程。
剩係道一隻牙都要分三次做。

開始了一個面對現實的過程，就係咁。有排處理，從此還要好好保養。
可是你也無理由閂埋口乜都唔理就走，對的事，還是要做，
還是要俾錢開大口，任人魚肉。

牙醫說：「你咁耐無來，肯定成口血，好痛。」
係，我來得就預咗。機器發出吱吱聲的時候，我就想起訪問紋身師Gabe的時候他說的：

「係有無痛紋身既方法，但我不建議人用。既然你都決定來紋身，點解唔就感受一下那種應有的痛楚。」

我不太怕痛，我從來只怕面對自己。
我要開一個新TAG先。